اسلامی جمہوریہ ایران کے صدر سید ابراہیم رئیسی اور بعض دیگر اعلی سول و فوجی حکام کی موجودگی میں مصلی تہران میں شہید قاسم سلیمانی کی دوسری برسی عقیدت و احترام سے منائی گئی۔ حجۃ الاسلام و المسلمین ڈاکٹر سید شفقت حسین شیرازی نے بین الاقوامی تنظیموں کے رہنماؤں کے ہمراہ خصوصی شرکت کی۔ برسی کی تقریب سے ایرانی صدر اور شہید کے اہل خانہ سمیت متعدد رہنماؤں نے خطاب کیا اور شہید قاسم سلیمانی کے راستے کو جاری رکھنے کے عزم کا اظہار کیا۔
