شہید قاسم سلیمانی کی دوسری برسی کی مناسبت سے ایران میں جاری تقریبات کی سائیڈ لائن پر حجۃالاسلام والمسلمین ڈاکٹر سید شفقت حسین شیرازی نے پاکستان میں تعینات عراقی سفیر حامد عباس لفتہ سے ملاقات کی۔ ملاقات میں باہمی دلچسپی کے امور پر تبادلہ خیال ہوا۔ حجۃالاسلام والمسلمین ڈاکٹر شفقت شیرازی نے عراقی سفیر کو پاکستان میں موجود تجارتی مواقع کی طرف متوجہ کیا اور اس بات کی امید کا اظہار کیا کہ ان کی پاکستان میں موجودگی میں پاکستان اور عراق کے دو طرفہ تجارتی و سیاسی و ثقافتی تعلقات مزید مضبوط ہوں گے۔ ح ا ڈاکٹر سید شفقت شیرازی نے زائرین کے مسائل کے حوالے سے بھی بات چیت کی۔ حامد عباس لفتہ نے بین الاقوامی سطح پر خصوصاً مسلم ممالک کے درمیان پاکستان کے کردار کو سراہا۔ اس موقع پر انٹرنیشنل مقاومت سپورٹ فورم کے دیگر رہنما بھی موجود تھے۔
